DILI, STLTIMORLESTE.com – Ensinu Baziku Sentral (EBC – sigla português) Manleuana sempre halo linha koordenasaun servisu neebe diak ho Koordenador Eskola Filial sira.
Liafuan nee hatoo husi Diretor EBC Manleuana, Carlos Correia ba STL iha nia knaar fatin, Segunda (23/12/2024).
Nia dehan, linha koordenasaun ho koordenador filial sira sempre lao ho diak, tanba sira filial mos buat hotu rona husi sentru, tanba husi sentru mak orienta sira, hotu-hotu nee orientasaun mai husi sentru.
“Hau sempre halo koordenasaun ho sira, atu nunee iha informasaun ruma informa mai iha sentru,” nia informa.
Tuir Carlos katak, linha koordenasaun servisu nee importante, ho nunee iha asuntu importante ruma bele informa ba malu, atu nunee servisu bele lao ho diak liu tan iha futuru.
(jac)
