DILI, STLTIMORLESTE.com – Eskola Bazika Fillial 12 de Outubru Tasi-Tolu simu ona apoiu kadeira 60 no meza 24 husi Ministeriu Edukasaun.
Xefe Koordenador EBF 12 de Outobru Tasi-Tolu, Fernando Bareto dehan, kadeira no meza sira neebe estudante uza iha tinan anterior sei sufisiente hela, maibe tanba kondisaun balun mak ladiak ona i balun nakdoko tiha. Neemak husi Ministeriu fo mai nee hanesan urjenti ida hodi fo ba estudante 1⁰ no 2⁰ mak bele uza deit.
“Kadeira ho meza neebe Ministeriu foin apoiu mai iha tinan nee hamutuk 84, kadeira 60 no meza 24. Nee bele troka fali kadeira sira neebe nakdoko ka aat ona nee,” dehan nia bá STL iha Tasitolu, Kinta (05/02/2026).
Nia hatete, kadeira nee laos ba esnzinu baziku nian, kadeira nee ba eskola pre eskolar nian, maibe provizoriomente estudante 1⁰ no 2⁰ mak bele uza. Tanba bainhira lori mai ekipa husi Ministeriu nian mos esplika katak, sira fo nee mos ho situasaun orijenti deit, neebe kadeira ho meza nee fo bá estudante 1⁰ no 2⁰ mak bele uza, tantu estudante 4⁰ too 6⁰ uza nafatin kadeira anterior nee.
Nia afirma, kadeira sira neebe estudante iha tinan anterior sei sufisiente hela, maibe kondisaun balun mak ladiak ona, tanba kadeira balun nakdoko tiha.
Nia hatutan, kona ba kadeira no meza nee bele dehan sufisiente ona. Daudaun nee hela sala 3 mak seidauk iha Professor atu hanorin sira, tanba reformadu ona. Neebe estudante sira nee halo hamutuk deit ho sala neebe profesor sira iha ona, depois hein Ministeriu koloka profesor nain 3 mai mak foin fahe fali estudante sira nee bá iha sala 3 nian.
(dom)
