DILI, STLTIMORLESTE.com – Prosesu hodi halo edefisiu ba Komisaun Anti Korupsaun (KAK) nian lao hela, no tinan oin sei tama ba iha faze konstrusaun.
“Komisariu nia prometivu atu halo edifisiu ba KAK nee agora lao hela no horiseik mak ami halo konsultan deskote, oinsa atu lori ba Konselhu Administrasaun Fundu Infraestrutura (KAFI) aprezenta para atu kompanhia balu finaliza, para tinan oin nee tama ona konstrusaun,” dehan Komisariu KAK, Rui Pereira ba jornalista sira iha Farol, Kuarta (29/03/2025).
Nia hatutan, dezenhu ida tuan nee ho orsamentu US$ 29 milhoes, maibe sei husu ba kompanhia liu-liu ba tekniku sira atu halo revizaun, atu material sira halo konstrusaun nee labele mai husi Europa, maibe material sira nee bele mos mai husi Indonezia nunee mai nee fasil.
Iha fatin ketak, Jurista Jose Maria Guterres dehan, kria edefisiu foun ba KAK atu apoiu sira bele halao servisu.
“KAK nia servisu importante tebes hodi prevene no kombate korupsaun, tanba nee presiza mos kria edefisiu ida ba sira hodi apoiu servisu sira nian, tanba edifisiu ida agora nee kleur ona sira utiliza,” dehan nia.
(ter)
