DILI, STLTIMORLESTE.com – Dezafiu neebe mak eskola sira iha Munisípiu Bobonaro hasoru mak edifisiu pre eskolar balun sei uza bebak no hadak.
Preokupasaun nee hatoo husi Diretor Servisu Edukasaun Munisípiu Bobonaro, Miguel Freitas ba STL liu husi telefone, Segunda (20/10/2025).
Nia dehan, dezafiu neebe mak eskola sira iha Munisipiu Bobonaro infrenta maka infraestrutura eskola sira.
“Eskola sira iha Munisipiu Bobonaro infrenta mak infraestrutura eskola. Liga ba pre eskolar sira, no ensinu baziku pelumenus ita konsidera, liu-liu ba edifisiu ba pre escolar neebe balun uza bebak no hadak. Hau preokupa liu mak nee EBF ida iha Madebau iha postu Atabae nee ba, tanba eskola refere besik hela mota. Hau la hatene bainhira udan mai eskola refere mota tenke sobu, nee mak hau preokupa ida nee. Hau fo ona razaun ida nee ba iha parte insfraestrutura nasional, maibe sira seidauk responde,” nia tenik.
Nia hatutan, asuntu nee liga ba iha parseiru balun, maibe sira foin atende ninia prosesu nee bainhira. Needuni infraestrutura eskola mak balun presiza hadia halo foun.
Jornalista: Jacinta Sequeira
Editora: Domingas Gomes
