DILI, STLTIMORLESTE.com – Relasiona ho renumeratoriu ba profesores neebe koloka ona iha faze primeiru no segundu, too agora servisu Edukasaun Munisipiu Likisa seidauk simu informasaun husi rekursu umanu iha Ministeriu Edukasaun (ME).
Assuntu nee hatoo husi Diretor Servisu Edukasaun Munisipiu Likisa, Julio da Silva ba STL liu husi telefone, Segunda nee (04/11/2024).
“Kolokasaun profesores iha faze primeiru ami iha Likisa hetan 12 no segundu ami hetan 63, agora atu halo pagamentu renumeratoriu ba sira nee, hau hanoin ami husi Likisa seidauk simu informasaun ruma husi rekursu umanu ME hodi pasa informasaun ba ita nian profesores sira, maibe dala ruma informasaun ba direita ita nian profesores sira, tanba ba asuntu nee ami rasik seidauk simu informasaun,” katak nia.
Iha fatin seluk, Anita Tavares Ribeiro de Jesus hanesan Diretora Rekursu Umanu iha ME dehan, subsidiu kolokasaun inisial ba profesores neebe koloka ona iha faze primeiru no faze segundu sei halo pagamentu iha fulan Novembru, tanba despaisu husi KFP tun ona ba Ministeriu Finansas.
(jac)
