DILI, STLTIMORLESTE.com – Edukasaun Munisipiu Likisa sempre halo koordenasaun ho eskola sira neebe mak lokaliza iha munisipiu refere.
Assuntu nee hatoo husi Diretor Edukasaun Munisipiu Likisa, Julio da Silva ba STL liu husi telefone, Domingu nee (03/11/2024).
“Ita nafatin halo koordenasaun ho ita nian eskola sira, liu husi dirijente eskola idak-idak, nee ba ita nian eskola neebe lokaliza iha Munisipiu Likisa, tanba iha preokupasaun ruma husi eskola, nee hatoo mai iha Edukasaun Munisipal, depois mak ami sei hatoo hikas ba edukasaun nasional, tantu assuntu saida deit, ami iha lina koordenasaun neebe diak,” nia afirma.
Julio akresenta, servisu nee tenke koordenasaun ho parte hotu, nunee bele fo informasaun ba malu. Aleinde halo lina koordenasaun ho eskola, sira mos halo koordenasaun ho Ministeriu Nasional.
(jac)
