DILI, STLTIMORLESTE.com – Primeiru Ministru (PM), Kay Rala Xanana Gusmão hasoru malu ho eis Embaixador Estadus Unidus Amérika (EUA) mai Timor Leste (TL), Joseph Rees, tanba iha relasaun amizade diak.
Eis Diplomata EUA nee halao enkontru pesoál ho PM Kay Rala Xanana Gusmão, tanba konhese malu kleur dezde tinan 1998 iha prizaun Cipinang Indonezia.
“Hau laos rona Embaixador, maibé hau sempre haksolok bainhira vizita Timor Leste, tanba hau saudades, hadomi Timor no hau iha maluk Timoroan barak”, katak Eis Embaixador EUA ba TL, Joseph Rees, bainhira remata hasoru malu ho PM, iha Palásiu Governu, Tersa (29/10/2024).
Nia dehan, dezenvolvimentu Timor Leste iha progressu makaas, maibe sei falta mos buat barak, tanba nee nia enkoraza Timoroan hotu-hotu atu servisu makaas liu tán hodi dezenvolve diak liu tán rai nee iha futuru.
(gui)
