DILI, STLTIMORLESTE.com – Eis Embaixador Timor Leste (TL) ba Reinu Kamboja, Hermenegildo Lopes relata relatoriu neebe durante nee nia haknaar nuudar embaixador ba Prezidente Republika, Jose Ramos Horta.
Bainhira remata hasoru malu, Eis Embaixador Timor Leste ba Reinu Kamboja, Hermenegildo Lopes ba jornalista iha Palasiu Prezidensial Nikolao Lobato, Bairo Pite, Kinta (07/08/2025) hatete, ohin mai hasoru Prezidente Republika hodi relata relatoriu ba Prezidente tanba nia mandatu remata ona.
“Ohin hau mai halo audensia ho sua exelensia Prezidente Republika tanba durante nee hau hanesan Embaixador Timor Leste nian iha Reinua kamboja, maibe tanba hau nia misaun termina tiha ona, entau hau fila fali mai para hasoru malu Prezidente no hatama relatoriu durante kuaze tinan 5 fulan 6 hanesan embaixador iha Kamboja iha buat balun neebe susesu iha kamboja durante halao hau nia misaun iha neeba, neebe ohin hau mai hatoo ona hau nia relatoriu ba sua exelensia Prezidente,” katak Embaixador.
Embaixador hatete, durante mandatu iha neeba primeiru agradese ba Maromak, tanba importante liu mak kona-ba ASEAN, tanba iha tinan 2022 kamboja mak hanesan Prezidensia ASEAN husi neeba Embaixador kolabora diak aprosima oinsa durante nia prezidensia bele admite Timor Leste sai membru asean.
“Kambodia mak loke odamatan duni tantu ita hahu premeiru 2011 ita hatama ita nia proposta atu sai membru asean iha 2011 tempu neeba indonezia mak lidera asean depois hatama tiha hein too tinan 11 bainhira kamboja mak hanesan prezidensia asean kamboja nia suporta extra ordinariu liu liu sira nia primeiru Ministru amigo diak ho maun boot Prezidente Ramos Horta ho PM Xanana oinsa mak lori ita.ba hanesan observador hanesan prezidente Rotativa neebe ke kambodia assume los duni iha Novembru 2022 sira konvense kamboja hanesan pais membru estadu asean konvense nain 9 asean seluk admite deklara iha kamboja ita hanesan hanesan observador nemak loke dalan mai ita,” katak
Iha biban nee Prezidente Republika Jose Ramos Horta hatoo agradese wain ba embaixador Timor Leste ba kamboja, husu embaixador nafatin kontribui ba estadu konsidera hanesan emabaixador neebe iha esperiensia.
Prezidente hatete, eis embaixador mos iha esperensia tanba nee husu para ajuda Governu bele loby mos investor sira liu liu loby emprezarial sira neebe mak iha kamboja rasik no kopera ho embaixada TL iha neeba, iha nasaun neebe deit.
Husu kontinua halo Loby investor sira husi nasaun seluk nunee bele mai halo investimentu iha Timor Leste nunee bele dezanvolve kampu trabalho ba joven sira nunee iha futuru ekonomia bele forte liu tan.
(eme)
