DILI, STLTIMORLESTE.com – Eis Embaixadora Timor Leste ba Jenebra, Lurdes Bessa relata atividade neebe durante nia halo iha nia mandatu iha Jenebra ba Prezidente Republika, Jose Ramos Horta.
Bainhira remata hasoru malu, Eis Embaixadora Timor Leste ba Jenebra, Lurdes Bessa ba jornalista sira iha Palasiu Prezidensial, Bairo Pite, Sesta (17/01/2025) hatete, mai hasoru Prezidente Republika tanba foin fila husi Jenebra, misaun nuudar embaixadora remata ona iha fulan Dezembru foin daudaun.
“Hau mai informa ba Prezidente kona-ba servisu neebe iha neeba no kontinua Follow up kontiudu enkontru ho Prezidente Republika relaisona ho hau nia misaun iha Jenebra neebe foin remata,” katak nia.
Nia hatete, iha buat barak neebe durante tinan 3 servisu iha Jenebra iha linha koordenasaun ho MNEK nomos Prezidensia Republika ho Governu hodi hadia buat lubuk ida, liu-liu iha area multilateral.
“Hadia buat lubuk ida liu-liu iha area multilateral, ita konsege halo vizaun WTO ou Organizasaun Mundial Komersiu iha 30 Agostu 2024 iha ita nia konstansia permanente konselhu direitus umanus iha konteksu ida nundial atual neebe ligadu ho funu neebe akontese iha parte hotu-hotu neebe ita fo duni ita nia parseiru, no sua Exelensia Primeiru Ministru konsege partisipa iha simeira da pas foin daudaun kona-ba funu iha Ukrania ho partisipante relevante tebes no ita organiza duni eventu ida ho Governu Suisa kona-ba ezemplu Timor fo rezolusaun konflitu liu husi pas no dialogu no G7+ nia,” katak Eis Embaixadora.
Nia hatete, durante servisu tinan 3 alkansa iha neeba no iha buat barak neebe ba oin kontinua nafatin, tanba fatin ida iha Jenebra importante tebes no espesial tebes ba multilateral.
Eis Embaixadora dehan, kontinua partisipasaun iha OMK nuudar efetiva daudaun no eventu neebe halo relasiona G7+ ho esperiensia ho nasaun seluk no halo nusa buka dalan ba pas liu husi dialogu ho nasaun seluk.
G7+ tinan oin sei halo eventu ida boot liu tan, iha nia ezemplu no ezemplu seluk tan husi nasaun G7+ no nasaun seluk tan.
“Rekejitu ba OMK kompleta ona no rekejitu kompleta hotu ona nembru evetivu ona dezde 30 Agostu 2024, agora ba oin ita nia partisipasaun ita buka dalan halo nusa ho adezaun, ida nee ita mos dezenvolve diak liu tan ekonomia rai laran no ba rai liur,” katak nia.
Nia hatete, ohin mai hatoo deit atividade neebe halo iha Jenebra nomos diskuti deit kona-ba dezempenhu.
(eme)
