DILI, STLTIMORLESTE.com – Coutry Direktor Ventures hamutuk ho ekipa relata servisu neebe sira halo hodi apoiu Governu Timor Leste ba iha Prezidente Republika (PR), Jose Ramos Horta.
Bainhira remata halo enkontru Country Diretora Of Blue Ventures, Bernadete da Fonseca ba jornalista iha palasiu Prezidensial Nicolau Lobato, Bairo Pite, Segunda (26/01/2026) hatete, sente kontente tanba iha hasoru malu nee Prezidente Republika simu sira ho diak.
Diretora dehan, sira mai hasoru malu ho Prezidente Republika hodi relata servisu neebe sira halo iha Timor Leste ba Prezidente Republika Jose Ramos Horta.
“Ida nee ondra boot ida ba ami bele mai marka prezensa ho sua exelensia atu aprezenta ami nia servisu foka liu ba konservasaun jestaun peskas serbisu ho komunidade iha area kosteru ami servisu iha atauro, Hera, Manatutu, kosta sul ami servisu iha area Betano Ainaro, no la kleur ami sei tama iha Suia loro,” dehan nia.
Diretora dehan mai relata mos ba Prezidente Republika katak, sira nia servisu iha Timor Leste tinan 10 ona no tinan ida nee sei selebra aniversariu.
“Servisu neebe ami halo durante nee tinan 10 nia laran infelismente tinan ida nee ami selebra ami nia aniversariu tinan 10 prezensa ventures iha Timor Leste nemak ami mai aprezenta ami nia servisu ba exelensia,” katak Diretora.
Nia hatete, servisu neebe halo foka liu oinsa suporta komunidade atu iha koinesementu ba iha rekonsultasi nia liu liu iha ahu ruin, duut tasi, ai parapa oinsa nia importansia ba vida moris ba iha ambiente liu liu iha tasi laran nia.
“Nain Prezidente simu ami ho diak foin hatene ami nia serbisu, ami servisu laos ho komunidade maibe ho Governu, ami nia parseru diak mak Ministeriu Agrikultura, ami mos serbisu hamutuk ho ekonomia azul oinsa ami suporta Governu nia estratejia ho sira nia tarjetu neebe agora iha komitmentu hela no governu iha kompromisu atu atinji ba iha global tarjetu liu-liu ba protesaun ba tasi,” dehan nia.
Nia hatete, Governu nia planu boot ida mak agora daudaun atu halo atauru sai parte nasional entau venture nia suporta Governu ba iha konservasaun ba iha area rekursu tasi nia, liu husi komunidade sira bele iha abilidade atu jere sira nia rekursu rasik.
Iha hasoru malu nee Prezidente Republika Jose Ramos Horta hatoo rekomendasaun ba Venture katak serbisu tenke ho evidensia no servisu nee tenke iha benefisiu ba komunidade, no labele gasta no tempu deit maibe serbisu oinsa bele fo benefisiu ba komunidade liu husi atividade sira nee.
(eme)
