DILI, STLTIMORLESTE.com – Treinador Portugal, Alexandre Mota Silva dehan, ekipa jogador husi nasaun Portugal preparadu ona hodi kontra ekipa Cabo Verde,.manan ka lakon akonpanha jogu orsida kalan, maibe garante katak ekipa Portugal sei halakon Cabo Verde.
“Ami nia ekipa preparadu ona hodi kontra ekipa Cabo Verde no ami nia jogador sira mos prepara diak los ona, atu manan ka lakon ita akonpanha jogu orsida kalan,” dehan Treinador Portugal, Alexandre Mota Silva liu husi konferensia imprensa iha CCD, Kinta (24/05/2025).
Nia dehan, ami mos halo nunee, maibe laiha ema ida mak too agora marka golu, maibe ami kontinua hetan rezultadu zero iha ami nia bola, katak ami preparadu no klaru katak haree ba estatutu no identidade husi jogador sira neebe ita tenke pratika, se ita hakarak hela iha Portugal.
“Ami fiar ami nia jogador sira iha primeira parte sei bele, tanba ami sempre koko atu manan, akontese iha jogu primeiru, maibe nee mak jogu neebe difisil tebes, jogu segundu ne’e susar liu tan,” katak nia.
Treinador nee dehan, realidade hatudu katak jogador Portugal ekipa ida neebe forte no ekipa ida neebe boot liu fali ita nian sei sai hanesan jogu ida neebe difisil, maibe hau hanoin katak jogador sira sei fo imajen diak, tanba hau nuudar treinador ida iha motivasaun ida neebe mak diak ba jogador sira.
Iha fatin hanesan, treinador Cabo Verde, Jorge Humberto Lopes Conceição fundamenta katak, ekipa Cabo Verde mos preparadu ona fiziku no mental hodi kontra Portugal no fiar katak sei manan iha jogu ida nee.
(EST 1)
