DILI, STLTIMORLESTE.com – Ekipa Prezidensial Republika neebe lidera husi Diretora Jeral Administrasaun, Aida Maria Soares sosializa komunidade Afetadu ba despezu administrativu.
Iha loron Kinta (15/05/2025) ekipa Prezidensial Republika sosializa ho potensialidade komunidade Afetadu ba despezu administrativu.
Ekipa Prezidensia Republika neebe lidera husi Diretora Jeral Administrasaun, Aida Maria Soares, ohin halao enkontru sosializasaun no diskusaun dahuluk ho rezidente sira neebe hela iha area Palasiu Prezidensial.
Diretora Jeral Administrasaun, Aida Maria dehan, iha hasoru malu nee hodi rona direita preokupasaun no dezafiu hotu neebe komunidade afetadu ba despezu administrativu hasoru durante nee.
Sosializasaun nee akompanha husi reprezentante tekniku sira husi Ministeriu Obras Publika, ekipa nee aprezenta planu dezenvolvimentu ba edifísiu Palasiu Prezidensial no area sira neebe haleu, neebe sei fo impaktu ba komunidade sira neebe okupa ona area nee durante tinan barak nia laran.
Durante sesaun, ofisial sira trasa mudansa sira neebe propoin no rona preokupasaun sira komunidade nian.
Enkontru akompanhamentu ida sei marka iha tempu badak atu kontinua diskusaun sira neebe detalhu liu ho rezidente sira neebe afetadu, maske data lo-loos seidauk determina.
(eme)
