DILI, STLTIMORLESTE.com – Durante nee ekonomia iha Timor Leste (TL) la lao ka marka pasu, tanba sirkulasaun orsamentu iha merkadoria menus.
Emprezariu Nasional, Roberto Martins hatete, haree ba situasaun global ekonomia TL tama iha resesu, no atu hadia governu tenke iha maneira neebe diak, ho nunee Timor-Leste nia ekonomia bele la diak.
“Ita nia ekononia iha TL tama iha faze resesu, tanba movimentasaun la lao, sirkulasaun osan mos la lao ho diak, ita bele dehan ekonomia TL hanesan loos ema neebe moras todan atu hader mos araska, tan nee atu rekupera politika governu nian tenke diak,” dehan Roberto ba STL iha Akait, Dili, Kuarta (21/01/2026).
Nia hatutan, atu rekuupera ekonomia governu tenke investe makas iha setor turizmu, infraestrutura bazika no setor agrikultura, tanba setor tolu nee bele kria kampu servisu ba joven, dada Turista sira mai hodi kontribui resetas no hasae produsaun aihan iha rai laran, ho nunee osan neebe governu aloka atu sosa produtu, labele importa hela deit foos husi rai liur mai.
Iha parte seluk Iha parte seluk Akademista UNDIL, Martinho de Carvalho hatete,maski Orsamentu Jeral Estadu (OJE) 2026 ho montante neebe boot, maibe liga ba ekonomia rai laran seidauk estavel.
“Hau hanoin orsamentu neebe atu finansia rekupera ekonomia rai laran,maka la ezekuta ho diak nee susar, tanba ita la haree invetimentu direta ho in direta nee ita la haree, tanba nee ekonomia hanesan ema neebe moras todan tau hela soru, ita la hatene atu mate ka moris,” dehan Martinho.
(car)
