DILI, STLTIMORLESTE.com – Tuir Ministra Saúde (MS), Élia A. A. dos Reis Amaral hatete, informasaun husi Komisaun Juri Rekrutamentu Polísia Nasional Timor Leste (PNTL) 2025 neebe dehan reajente laiha, tanba nee sira adia teste mediku ba kadetes PNTL nain 400 nee la loos.
“Reajente laiha, hau hanoin pois ita konfirma ho Senhor Ministru Interiór mak hatene prosesu ida nee. Atu dehan deit katak informasaun nee la loos,” hatete Ministra Saúde (MS), Élia A. A. dos Reis Amaral ba jornalista jornalista sira, hafoin remata reuniaun Konselhu Ministru iha Palásiu Governu, Kuarta (11/02/2026).
Nia esplika, reajente iha laboratoriu HNGV laiha nee la los, tanba total reajente neebe rejista iha armazén sentrál INFPM atinji 88%.
“Reajente laiha nee hau hanoin la loos karik, nee informasaun nee la loos, ita boot sira konfirma fila fali,” nia informa.
Iha fatin hanesan, Fontes Konfirmadu iha Intitutu Nasionál Famásia no Produtu Médiku (INFPM) katak, total reajente neebe daudaun nee iha armazen INFPM atinji 88%, tanba nee Laboratoriu Nasiobal persiza bele mai foti.
“Reajente sei 88% nee signifika sei sufisiente, tanba nee hau sms ba ita katak, iha nesesidade nasionál ekivalente ho serka 1,760 item reajente no husi total estimadu 2,000 item neebe uza ba servisu laboratoriu iha nivel nasionál. Husi total nee, aprosimadu 9% ka 180 item konsidera hanesan stock-out temporariu tanba prosesu distribuisaun ka renovasaun kontratu,”nia afirma.
(jen)
