DILI, STLTIMORLESTE.com – Hahu husi fulan Janeiru too Junhu 2025, ema neebe legaliza ona diploma nee hamutuk 5.988.
Afirma Direitor Nasional Ensinu Sekundariu iha Ministeriu Edukasaun, Benjamin Gomes da Cruz Fernandes ba jornalista STL iha nia knaar fatin Vila Verde, Segunda nee (30/06/2025).
“Buat ida legaliza diploma nee rutina ou loron-loron hahu husi fulan Janeiru too mai iha Junhu tinan ida nee, atende kada fulan la hanesan, tanba saida mak atende ema barak ou menus, tanba depende ba iha vaga neebe mak ema loke, karik Ministeriu ruma loke vaga nee iha okentu nee ema tenke sae, maibe diresaun sempre atende, bainhira estudantes sira presiza urjente ami sei atende sira,” dehan nia.
Nia dehan, diresaun ida nee laos atende deit estudantes, maibe halo atendimentu ba ema sira neebe mak atu legaliza sira nian diploma, sira sei atende urjenti, nee sira sempre halo atendimentu neebe urjenti.
“Kuandu ema neebe presiza urjenti nee ohin nee lori mai legaliza foti kedas, kuandu hau iha fatin maibe bainhira hau laiha fatin no iha ajenda ruma, nee aban nunee mak bele foti diploma nee,” nia haktuir.
Nia afirma, hahu iha Janeiru atende ema 439, Fevereiru 1,176, Marsu 1,260, Abril 1,102, Maiu 659, Junhu 352, nee mak total 5.988.
(jac)
