DILI, STLTIMORLESTE.com – Tuir informasaun neebe STL asesu iha media SNI nian katak, iha loron Kuarta, tuku 01:25 OTL, wainhira publiku rame ho fugetes nia lian, ema deskonhesidu uza arma tiru ba iha eis Prezidente Republika (PR), Francisco Guterres Lu-Olo ninia rezidensia Falor.
Tuir kronolojia neebe eskoltu sira hatoo katak, eis Prezidente Republika sai ba liur hodi rona Fugetes nia lian, maibe wainhira too iha uma laran, haree meza neebe babain eis titular Lu Olo nia tur fatin hodi hemu kafe, nee hetan tiru kuak no vidru rahun.
Nia dehan, identifikasaun Polisia Nasional Timor Leste (PNTL) nian hatudu katak, kartus refere mai husi Arma Revolve antiga no kartus refere belit metin iha meza rotan eis PR nian.
Informasaun neebe STL asesu iha media SNI daudaun nee investigasaun PNTL iha ona lokal akontesimentu, maibe seidauk identifika lo-loos motivu no diresaun neebe tiru nee mai husi neebe, tanba nee PNTL hamutuk SNI sei kontinua buka tuir.
(jen)
