DILI, STLTIMORLESTE.com – Ministeriu Saude (MS) rejistu numeru moras HIV-SIDA hamutuk 2.002, maibe ema ho pozitivu HIV-SIDA barak mak lakohi hakbesik aan ba Sentru Saude sira hodi halo tratamentu.
Reprezentante Ministeriu Saúde (MS), Terlinda Barros dehan, numeru moras HIV-SIDA hamutuk 2.002 neebe Ministeriu Saude (MS) rejistu ona, maibe ema neebe moras HIV-SIDA lakohi hakbesik aan ba Sentru Saude sira hodi halo tratamentu, tanba seidauk iha informasaun natoon kona-ba imporansia estatus moras HIV-SIDA.
“Hahu ita halo teste ba moras HIV-SIDA too Mai tinan 2024 nee, ita rejistu ona hamutuk 2.002, ita nia probelma boot mak ita nia ema sira neebe ho moras HIV-SIDA, pozitivu lakohi hakbesik aan ba Sentru Saude sira hodi halo tratamentu, tanba sira seidauk iha informasaun natoo atu bele mai tratamentu no hatene sira nia estatus HIV-SIDA,” hatete Terlinda Barros ba STL iha Sede Suku Akadirihun, Postu Administrativu Kristu , Munisipiu Dili, Tersa (19/02/2025).
Nia tenik, wanhira komunidade sira lákohi halo teste ba estatus moras HIV-SIDA, nee seidauk bele hatene katak livre husi moras HIV-SIDA.
Iha fatin ketak, Diretora Ezekutivu NGO Estrela+, Ines Lopes informa, distansia dook mos bele obrigatoriu difikulta duni pasiente sira atu asesu ba medikamentu ARV, maibe sira halo esforsu atu distribui nafatin aimoruk ba kliente sira.
“Ami koko komunika ho sira liu husi hotline gratuita, sira hasoru problema ami komunika ho VCT iha munisipiu sira atu ajuda distribui aimoruk, tanba ita nia problema mak sira labele mai no ami, entaun ami halo esforsu atu ajuda transporta medikamentu ba sira,” dehan nia.
(jen)
