DILI, STLTIMORLESTE.com – Embaixador India, Madam Kumar Ghaildiyal halo kortejia ida ho Ministru Defeza, Donaciano do Rosário da Costa Gomes “Pedro Klamar Fuik” hodi koalia kona-ba hametin liu tan relasaun diplomatika no kooperasaun di’ak liu tan iha area Defeza nian iha Timor Leste (TL).
Nia dehan, Embaixador India vizita mai Timor Leste neebe mai kortejia ida mai iha Ministeriu Defeza atu komprimemta Ministru no Ministru felisita ba iha kompozisaun India nian neebe mai koloka iha nasaun ida nee.
“Ohin ita bele haree vizita Embaixador India nia iha Ministeriu Defeza para bele hametin liu tan relasaun diplomatika no kooperasaun neebe mak sei halo ho Ministériu Defeza,” Ministru Defeza, Donaciano do Rosário da Costa Gomes “Pedro Klamar Fuik” ba jornalista sira iha nian knaar fatin Ministeriu Defeza Fatuhada Dili, Tersa (01/07/2025).
Nia tenik, relasaun India ho Timor Leste sai metin liu tan wanhira iha koligasaun Embaixada Timor Leste nian iha India, nunee mos Embaixada India nian iha Timor Leste.
“Ida nee signifika katak, dezenvolvimentu ba ita relasionamentu diplomatiku sei metin liu, nunee mos dezenvolvimentu ba iha kooperasaun iha area hotu-hotu, hanesan iha area Dezefa sei lao diak liu, tanba ita haree ba India hanesan potensia ida, rai boot neebe mak promove mos Global Sal, sai hanesan fundador ba nasaun nao alinadus,” nia deklara.
Iha fatin hanesan, Embaixador India, Madam Kumar Ghaildiyal informa, iha vizita mai iha Ministeriu Defeza atu hametin liu tan relasaun diplomatika no kooperasaun entre India ho Timor Leste.
“Hau mai vizita Ministeriu Defeza atu koalia liu kona-ba hametin liu tan relasaun diplomatika no kooperasaun neebe diak liu tan,” nia deklara.
Nia afirma, relasaun diplomatika no kooperasaun nee sei kontinua nafatin, tanba India hakarak apoiu nafatin Timor Leste ba futuru sai diak liu tan.
(jen)
