DÍLI, STLTIMORLESTE.com – Embaixada Malazia iha Timor Leste fo apoiu kadeira tolu (3) ho material sira seluk ba Postu Saude Maloa, hodi atende pasiente sira.
“Ita haree ba programa neebe Embaixada Malazia iha TL halo liu husi alumi progrma kooperasaun Teknika Malazia (MTCP), neebe fo apoiu kadeira ho modelu ai tolu (3) ba Postu Saude iha Maloa, Suku Bairo Pite, nunee bele asegura pasiente sira,” dehan Embaixador Malazia iha Timor Leste, Amarjit Sarjit Singh ba jornalista sira iha Postu Saude Maloa, Bairo Pite Dili, Kuarta (30/10/2024).
Nia dehan, objetivu prinsipal neebe mak ohin Embaixada Malazia mai iha Postu Saude Maloa iha Suku Bairo Pite atu haree kondisaun sira no fasilidade iha saude nian, maibe konba aimoruk sufisiente atu asegura ba pasiente iha Suku Bairo Pite, doutora atende ba pasiente hamutuk nain 11 iha setru saude refere.
Tanba nee haree ba fasilidade iha Postu Saude Maloa, hanesan kadeira laiha, no hospital ida neebe laiha fatin seguru, nunee Embaixada Malazia hanoin hodi fo apoiu ba kadeira ho modelu-ai tolu (3), no mos material sira seluk atu asegura ba postu saude.
“Ita fo apoiu atu asegura hela ba komunidade no pasiente iha Suku Bairo Pite neebe balun keta isin rua, no labarik sira bele lao livre, nunee valeta mos harii kondisaun diak, liu-liu kadera tolu neebe iha, nunee bele fasilita ba pasiente sira iha Postu Saude refere,” Embaixador nee sublina.
Iha fatin hanesan, doutora responsavel iha Postu Saude Maloa, Luica da Costa dehan, husi Postu Saude Maloa agradese tebes ba apoiu neebe Embaixada Malazia fo, liu-liu kadeira ho modelu-ai tolu no mos sasan seluk, neebe atu taka valeta kuak sira iha postu saude nian,
Kooperasaun TL ho Malazia liu-liu Embaixada Malazia ho Ministeriu Saude nian diak tebes, nunee bele fo ona apoiu ba Postu Saude sira emteritoriu nasional, liu-liu Postu Saude iha Maloa atu hadia mos kondisaun espasu iha sentru saude nian, nunee bele fo protesaun dignu ba pasiente sira, hodi labele deskuidu monu.
“Hau fiar katak kooperasaun entre Embaixada Malazia ho Ministeriu Saude bele kontinua avansa ba oin nafatin, atu bele apoiu malu liu husi material no fasilidade sira, atu kualifika sentru no postu saude iha teritoriu nasional bele lao ho diak, ho kondisaun neebe sai seguru no sanitariu ba ema hotu,” nia sublina.
Entretantu Komunidade iha Suku Bairo Pite, Angela de Carvalho afirma, apoiu kadeira no fasilidade seluk neebe Embaixada Malazia fo ba Postu Saude iha Maloa, hanesan komunidade ida sente kontente tebes, tanba bele fo protesaun neebe dignu ba komunidade sira, bainhira mai halo tratamentu iha hospital,
Total komunidade iha Suku Bairo Pite hamutuk 47,770, iha aldeia 26, nee hatudu katak volume komunidade nee boot, tanba nee husu ba Governu atu kria kondisaun diak ba postu saude iha Maloa, nunee bele fo seguransa diak hodi hakbesik ba komunidade, bainhira hetan moras ka kondisaun gravida ruma bele fo ajudu.
Tanba nee mak apoiu neebe Embaixada Malazia fo ba Ministeriu Saude, liu-liu Postu Saude Maloa, Suku Bairo Pite ho kadeira 3 no fasilidade seluk, bele uza hodi asegura ba Postu Saude Maloa sai sentru saude ba komunidade sira atu bele mai halo tratamemtu ho dignu no solidu.
(EST 1)
