DILI, STLTIMORLESTE.com – Eis Embaixador Amerika Ba Timor Leste, Grovee J. Ress kontente hasoru malu ho Prezidente Republika Jose Ramos Horta hodi koalia asuntu importante Timor Leste nia.
Bainhira remata hasoru malu Eis Embaixador Amerika ba Timor Leste, Grovee J. Ress ba jornalista sira iha Palasiu Prezidensial Nikolao Lobato Bairu Pite, Segunda (26/05/2025) hatete, kontente hasoru malu ho Prezidente Republika, no iha hasoru malu nee koalia asuntu importante Timor Leste nia maibe nia labele fo sai publiku konaba saida mak sira deskute hela.
“Hau hasoru malu ho senhor Prezidente nia hau nia kolega kleur, molok nia sai Prezidente no molok simu Premiu Nobel da Paz, nia ema neebe gosta halo belun ho ema hotu hotu iha sosiedade, nia hadomi labarik sira, nia hadomi ema babain husi Timor no husi amerika nia ema diak no ema neebe importante iha istoria Timor nia, hau orgullu sai nia kolega, ami nain rua sempre koalia konaba assuntu importante husi Timor nia, maibe hau respeita senhor Prezidente tanba nee ita boot sira tenke husi senhor Prezidente saida mak nia sei dehan, tanba hau respeita ninia privasidade, hau tenke dehan mos katak hau hanoin fali jornalista sira tanba durante hau nia tempu nuudar embaixador,” katak Eis Embaixador Amerika ba TL,” dehan Eis Embaixador.
Eis Embaixador dehan, nia mos hanoin hetan jornalista Timoroan sira tanba uluk nia mandatu nuudar embaixador jornalista sira sempre tenta halo intervista bainhira hasoru malu ho Ministru ka entidade estadu nia iha Timor Leste.
“Sempre entrevista hau bainhira hasoru malu ho Xanana, hasoru malu ho Primeiru Ministru iha tempu neeba, no hau hasoru malu ho Ministru sira, jornalista barak sira koko tau mikrofon tau iha hau nia ibun hau tauk hau halai ba kotuk sira avansa husu hau kona-ba saida mak diskute, maibe hau labele hatete tanba respeita Ministru sira nia privasidade, hau hakfodak hasoru ita boot sira,” katak Eis Embaixador.
Eis Embaixador dehan, nia hanoin hasoru malu deit Prezidente Republika Jose Ramos Horta, maibe kontente liu tan bainhira hasoru malu tan ho jornalista sira. Nia mos husu atu nafatin halao servisu ho diak no profisional hodi haklake lian ba povu ho diak.
“Hau fo komprimenta no fo parabens ba ita boot sira tanba halo servisu diak ba povu Timor no ba nasaun,” katak Grovee J. Ress.
Iha hasoru malu nee Prezidente Republika Jose Ramos Horta sente ondradu hodi hatoo benvindu ba Eis Embaixador Amerika Ba Timor Leste, Grovee J. Ress neebe bele hakat mai iha palasiu Preziensial hodi koalia assuntu importante sira.
(eme)
