DILI, STLTIMORLESTE.com – Embaixador Japão iha Timor-Leste, Tetsuya Kimura ofisialmente entrega projetu reabilitasaun Sala Leitura Xanana Gusmão, liu husi Grand Assistance for Cultural Grassroots Project (GCGP), hodi promove kultura no edukasaun ba labarik no foinsae Timor-Oan.
“Hau asina ona kontratu ida ba projetu nee iha Janeiru tinan 2024, tanba nee fila hikas mai hodi haree uma neebe renovadu ona, ksolok boot ida mai ami bodi bele envolve iha reabilitasaun importante ida hodi promove kultura no edukasaun ba labarik no foinsae Timor-Oan sira, agradese ba parseirus hotu ba imi nia servisu maksas no esforsu sira,” katak Embaixador Japão iha TL, Tetsuya Kimura ba jornalista sira iha Xanana Reading Room, Lecidere, Dili, Tersa (29/4/2025).
Tuir Tetsuya Kimura, Sala Leitura Xanana Gusmão neebe implementa ona projetu ida nee Assistensia Finanseira ba Projetu Kultural the Baze (GCGP), eskema ida hodi apoiu organizasaun naun lukrativus ba nasaun dezenvolvimentu sira hodi promove kultura no ensinu superior.
Tanba nee, konkluzaun husi projetu ida nee refleta klaramente nia entuziasmu no dedikasaun hodi hadiak ambiente edukativu no kultural ba labarik no foinsa’e sira ina Timor-Leste. Japaun hein tebes hodi kolabora ho Sala Leitura liu husi organiza hamutuk eventu sira hodi introdus kultura Japones ba labarik no foinsa’e sira Timor-Leste.
Diplomata Japau nee rekonhese, Nonu Governu Konstitusional tau duni importansia ba edukasaun ho kualidade, no acessivel ba ema hotu.
“Hau fiar metin katak oferese asesu ba rekursu no informasaun edukativu ba labarik no foinsae sira mak essensial ba desenvolvimentu nasaun, tanba sira mak futuru pais ida nee nian, liu husi projetu ida nee, espera katak Japaun halo ona kontribuisaun signifikativu ida ba Timor-Leste hodi atinji objetivu nee,” katak Kimura Sublina.
Iha fatin hanesan Gestora Xanana Reading Room, Maria Amaral Guterres sublina, projetu nee rasik hatama proposta iha tinan 2023, tuir prosesu lubuk ida, foin tama tinan 2024 konsege passa iha selesaun ba projetu nee, ho total orsamentu U$ 68,324 milhoes.
Tanba nee husi parte sala leitura hakarak hatoo ami nia agradese ba embaixador Japão iha Timor-Leste no mos ba povu Japão neebe apoiu fundus hamutuk U$ 68,324 hodi bele hadia fasilidade sira.
Tanba liu husi projetu ide nee rehablita Uma Mahon, Bibiloteka, Centru Expozisaun, pavimentu, parede liur no moru, renovasaun, Bibleoteka kompleta ona ho raga, fatin tau livru hamutuk sanulu resin rua, meza ba computador sanulu, armariu ho ekipamentu nesesariu seluk.
(est)
