DILI, STLTIMORLESTE.com – Embaixador Kamboja iha Timor Leste, entrega karta kredensial ba Prezidente Republika (PR) Jose Ramos Horta.
Bainhira remata, Diretór-Jerál Asuntu Bilaterál bá Ázia no Oseánia MNEK, Marcos da Costa ba jornalista iha Palasiu Prezidensial Nicolau Lobato, Dili, Tersa (29/04/2025) hatete, ohin Prezidente Republika simu tan karta kredensial husi Embaixador Kamboja ba Timor- Leste.
“Ohin aprezentasaun kredensial husi Embaixador Kamboja nian mai Timor- Leste atu dehan katak, embaixador nia mak primeiru embaixador rezidensia iha Dili, sira nia Embaixada foin estabelese iha fulan hirak liu ba, komesa agora ba oin sira halo sira nia misaun diplomatiku ho rezidensia iha Dili,” dehan Marcos.
Nia dehan, uluk sira akredita husi Jakarta mai iha Timor-Leste mais agora sira estabelese ona iha Timor-Leste entaun Embaixador sai hanesan Embaixador premeiru neebe sei rezidensia iha Dili
Iha biban nee Prezidente Republika, Jose Ramos Horta hatoo bemvindo no hatoo agradese ba Embaixador Kamboja tanba simu ona kargu nuudar Embaixador Kamboza nia mai Timor-Leste, tanba nee hatoo apresiasaun no agradesementu ba suporta tomak neebe mak Governu Kamboja fo mai Timor-Leste durante nee. Espesial sira nia suporta neebe mak forte tebes ba Timor-Leste nia adezaun ba asean.
Iha biban nee Embaixador Kambja mai Timor-Leste mos hatoo agradese ba Prezidente Republika no Governu neebe simu ona nia nuudar Embaixador Kamboja mai Timor-Leste, no nia promete atu kontinua haforsa relasaun bilateral neebe mak Kamboja no Timor-Leste iha haree tan sei haree tan area koperasaun sira neebe mak pais rua nee halo ba benefisiu rai rua nia.
Iha enkontru kortejia nee koalia mos konaba preparasaun ba vizita eis Primeiru Ministru husi dia 7 too 9 maiu hanesan Prezidente senado Kamboja nia.
Serimonia entrega karta kredensial nee marka prezensa mos husi Ministru Negosiu Estranjeiru no koperasaun (MNEK) Interinu Francisco Da costa Guterres atual Ministru Interior, Xefe Kasa Sivil, Xefe Kasa Militar, Embaixadores sira, nomos familia husi Embaixador.
(eme)
