Embaixador UE Thorsten Bragfrede Hasoru PM Xanana

DILI, STLTIMORLESTE.com – Embaixador Estadu Unidos (UE) ba Timor Leste (TL), Thorsten Bragrede Bragfrege hasoru malu ho Primeiru Ministru (PM), Kay Rala Xanana Gusmão iha Palasiu Governu, hodi koalia kona-ba hametin Kooperasaun entre UE-TL neebe durante nee lao ona iha setor agrikultura, saude, jestaun finansa publiku.

Tuir Embaisador Estadus Unidas ba Timor Leste, Thorsten Bragfrede ba Jornalista sira iha Palasiu Governu, Segunda (29/09/2025) katak, ohin nia mai hasoru Xefe Governu, Kay Rala Xanana Gusmao, sente kontente tebes.

“Hau sente kontente tebes, hasoru malu ho Primeiru Ministru, Kay Rala Xanana Gusmao ohin, ami iha halo diskusaun sira neebe produtivu tebes. Ami koalia kona ba parseria husi UE ho TL. Ita apoia ona nasaun nee desde Independensia, ita nuudar autor importante ba dezenvolvimentu. Ami ajuda iha agrofloresta, ami fo apoiu fundus orsamentu, ajuda iha jestaun finansa publika nian, iha setor saude, ita ajuda hamenus malnutrisaun hamutuk ho sistema ONU nian,” dehan nia.

Thorsten Bragfrede fiar katak UE maka parseiru ida neebe makaas tebes hodi apoia dezenvolvimentu TL nian.

“Ita mos barak tebes. Alinha ho Primeiru Ministru no hau rasik, hetan kona ba valor global sira demokrasia Direitus Umanus nian no lei, nomos relasaun internasional sira. Orden multilateral besik iha ita nia fuan,” dehan Thorsten Bragfrede iha Palasiu governu hafoin halao Enkontru PM Xanana kuaze 20 menutus.

Nia afirma, TL hetan benefisiu husi Nasoins Unidas iha pasadu no UE hanesan apoiante ida neebe makaas husi tempu ba tempu.

“Ami hein tebes atu, Rona TL nia lian iha ASEAN nia laran. Lakleur tan tanba ida nee maka lian ida ba direitus umanus neebe ami respeita tebes. Ami mos agradese ba TL sira nia apoiu no hau agradese ba Primeiru Ministru Kay Rala Xanana Gusmao nia apoiu ba asuntu sira neebe importante tebes, internasionalmente hanesan Ukrania no Gaza neebe UE no ekipa molesta iha hanesan tebes, hau fiar Pontu de vista sira nee,” dehan nia.

Diplomata ne mos dikuste buat barak ho PM Xanana kona ba valor sira direitus umanus nian, Lei internasional no seluk tan.
UE mos hein atu rona TL nia lian atu defende direitus umanus iha ASEAN iha tempu badak.

Thorsten Bargfrede too iha TL iha loron 1 fulan Setembru tinan 2025 ho ninia familia iha Dili hodi troka embaixador sesante, Marc Friedrich neebe asume kargu dezde Setembru 2022.

Kontribuisaun UE nian ba prosesu dezenvolvimentu TL nian boot tebes iha area oi-oin mak hanesan apoia adezaun TL nian ba Organizasaun Mundial Komersiu (OMK), ASEAN no Akordu Parseria Ekonomika provizoriu EU-Pasifiku.

Aleinde nee, UE Apoia TL hodi hadia nutrisaun no seguransa ai han no ajuda diversifika nasaun nee ninia ekonomia. UE mos fo ona kontribuisaun substansial ba desentralizasaun, reforma judisial, jestaun finansas publikas no seluk tan.

Jornalista: Joseph Koa
Editor: Joseph Koa