DILI, STLTIMORLESTE.com – Empreza Konsorsiu Diogo Moto Forte Lda entrega motorizada 1 ba Prezidente Republika Jose Ramos Horta, hafoin halo inaugurasaun.
Iha Kuarta (17/12/2025) Prezidente Republika, Jose Ramos Horta inaugura empreza konsprsiu Diogo Moto Forte, Lda., neebe sai autorizador no importador offisial motorizada ho marka Honda iha Timor Leste neebe lokaliza iha Colmera.
Iha okaziaun nee Prezidente Ramos Horta, liu husi nia diskursu afirma, ninia prezensa iha serimonia inagurasaun nee tanba iha vida juventude, iha esperensia sempre lori motorizada ho marka Honda, durante servisu iha sentru informasaun turízmu iha Governu Timor Português antes 1974.
Atu konklui, Xefe Estadu iha esperansa katak, empreza refere sei kontinua servisu hamutuk ho empreza prinsipal Honda iha Indonezia, atu fortifika liutan kolaborasaun no loke fabrika motorizada honda iha TL.
“Inisiativa nee permite hafasíl liutan populasaun Timor sira atu hetan produtu motorizada honda no pesa sira ho folin razoavel iha TL,” dehan PR Horta.
Hafoin serimonia inagurasaun, konsorsiu Honda nee oferese motorizada Honda ba Prezidente Republika, Jose Ramos-Horta nuudar rekordasaun no sinal konfiansa ba produtu Honda iha Timor Leste.
Jornalista: Emerenciana Pinto
Editora: Domingas Gomes
