DILI, STLTIMORLESTE.com – Empreza Enni halao konsultasaun publiku kona-ba esbosu Deklarasaun Impaktu Ambiental Simplifikada (DIAS) no esbosu Planu Jestaun Ambiental (PJA) ba atividade peskiza Sismika iha tasi.
Empreza Enni asina kontratu ho Autoridade Nasional Petroleu (ANP) hodi fahe produsaun ho naran PSC TL- SO-22-23 ba bloku P iha area tasi laran.
“Ohin empreza Enni mai halo konsultasaun publiku ida kona-ba esbosu DIAS no esbosu PJA ba atividade peskiza Sismika iha area kontratu produsaun naran PSC TL SO 22 23 iha area tasi laran besik sun rice nia okos oituan,” dehan Jerente Inspesaun no Investigasaun Ambiental ANP, Jose Manuel Sarmento ba jornalista sira iha Maubara Room, Sesta nee (09/05/2025).
Tanba nee area kontratu Enni hetan liu husi asina kontratu produsaun ho ANP, sira halao atividade ida Sismika tuir ita nia prosedimentu lisensa ambiental, sira prezisa hetan lisensa ambiental dokumentus rua sira halo hela konsulta publiku atu hatoo sira nia opinaun, perguntas, komentariu husi publiku kona-ba konteudu dokumentus sira nee, liu-liu haree liu kona-ba impaktu potensiais ambiental nian.
Atividade Sismika bele kauza, nunee dokumentus nee identifika mos kontrolu ou medida metigasaun sira presiza halo para hodi jere risku impaktu ambiental nian ba iha risku ida neebe bele simu risku neebe natoon.
Nia hatete, bjetivu fahe informasaun ba publiku atu hetan publiku ninian hanoin opiniaun para oinsa atu asegura katak risku ambiental nian Kompanhia Enni identifika ho lo-loos duni, asegura kontrolu metigasaun iha ona para jere risku sira husi atividade nee.
Tanba konsulta publiku nee hanesan prinsipiu ida neebe importante tebes iha ita nia prosesu dezenvolvimentu, para ema hotu bele fo hanoin kona-ba DIAS no PJA.
Partisipa iha konsultasaun publiku nee mai husi Diresaun Nasional Transporte Marítima, Autoridade Nasional Marítima, Sosiedade Sivil no estudante husi universitariu.
(joa)
