DILI, STLTIMORLESTE.com — Kareta no motor husi diresaun Bairo Pite, Vila Verde no Colmera hasoru malu iha kruzamentu notaridadu nia oin hamosu engarrafamentu grave iha estrada area notariadu no Teras propriadade no Tribunal Judisiria Primeiru Instansia Dili (TJPID) oin.
Kauza husi husi engarrafamentu nee mai husi reabilitasaun estrada iha sede Partidu Sosial Demokrat PSD) oin, nunee parte konstruktor taka tiha metade husi espasu estraga nian, tanba reabilitasaun estrada nee taka ho semente, nunee presiza tempu atu semente maran hafoin bele atravesa.
Tuir observasaun STL nota katak engarrafamentu grave nee kauza prinsipal mak espasu estrada iha area nee metade taka tiha husi kontraktor, husi parte liman karun nian. Nunee transporte publiku no pribadu tenke atravesa liuhusi espasu klot neebe iha hodi provoka engarrafamentu.
Maske espasu estrata klot, movimentu transporte lao ho kalma, motorista sira hoko fo seguransa ba sira nia an rasik atravesa estrada iha situasaun sira hanesan ho responsabilidade, koko mos atu eevita asidente. Maske laiha prezensa polisia tranzitu nian iha fatin ida nee, motoridade sira hatene oinsa atu so seguransa ba sira nia an husi asidente sira neebe la presiza.
Martinho de Deus (komunidade) agradese governu liu husi obras publiku hahu taka estrada koak iha area tribunal oin, tanba estrada iha parte trinunal nian klot, kuandu estrada mak koak bele perturba momentu transporte publiku.
“Ami husu instituisaun neebe servisu ba reabilitasaun estrada nian hare estrada koak sira iha Dili laran taka tiha, tanba husik hela estrada aat ba bebeik, kuandu udan mai bee nalihun hamosu tahu halo estrada foer no buradu,” dehan Martinho iha Halte Monas, Kolmera, Kuarta (21/1/2026).
Nia hatete estrada iha parte tribunal oin nee presiza fo atensaun, tanba klot, no karreta husi diresaun tolu hanesan bairo pite, vila verde no kolmera mak atravesa iha kuandu bele haluan tan, para bele fo espasu ba movimensaun transporte publiku.
Martinho mos triste hare estrada koa taka fali ho semente, nee halo ema sai duvidas, sera tanba alkatraun laiha mak tenke taka deit semente ka nee meus ida atu rezolve problema estrada koa iha Dili laran.
Nia mos hare protokolu hanesan komoro, barak taka ho semente laos alkatraun, nunee husu governu atu aloka osan ba reabilitasaun estrada iha Dili laran liu liu estrada protokulu sira.
“Estrada protokolu sira nee imajen nasaun nian, nee tenke hadia kaber, laos taka fali ho semente hanesan ema taka roda koak, nee labele,” suspira Martinho.
(god)
