Edukasaun mak save importante atu muda ema nia mentalidade tuir konhesimentu neebe mak iha.
Iha prosesu aprendizajen iha edukasaun nee eziste autor sira neebe nia papel hanesan atu halao prosesu aprendizajen nee.
Dala barak ita koalia kona-ba edukasaun maibe ita haluhan tiha autor prinsipal neebe iha edukasaun nee rasik.
Iha artigu ida ne’e ha’u hakarak koalia oituan konaba “Edukador no Mestre”.
Edukador no Mestre hanesan autor prinsipal iha edukasaun ne’ebe iha knaar atu dezenvolve edukasaun liu husi konhesimentu neebe sira iha. Tanba la iha edukasaun ida ne’ebe la’o mesak sem iha autor sira nee.
Diferente entre Edukador no Mestre.
Artigu ida ne’e kontinuasaun husi artigu neebe ha’u hakerek ona iha loron hirak liu ba.
- Edukador.
Edukador nee hanesan autor prinsipal iha Edukasaun ne’ebe iha konseitu luan kompara ho mestre.
Edukador eziste atu harii ambiente estudu no apoiu ba mudansa pesoal, sosial no kapasidade alunus sira nian.
Edukador laos deit foku ba iha materia eskola nian maibe edukador iha papel importante atu harii karakter alunus nian ho valor etika no moral neebe iha.
- Mestre
Mestre ne’e individu neebe hetan formasaun atu hanorin alunus iha aula no sai matadalan atu fahe materia hotu ba alunus sira tuir tarefa ne’ebe mak iha.
Mestre hanesan pesoal ne’ebe tenke hamriik iha sala de aula atu hato’o materia ba alunus sira no ajuda alunus atu oinsa alunus sira bele komprende konseitu ne’ebe hanorin.
Diferente prinsipal ne’ebe ita haree mak hanesan.
- Mestre foku liu ba prosesu aprendizajen iha sala de aula bazeia ba kurikulu ne’ebe mak estabelese ona.
- Edukador ne’e haree liu ba oinsa atu harii karakter no moral ema nian bazeia ba valor no etika ema nia iha moris loron-loron nian.
- Mestre iha responsabilidade boot atu hato’o lisaun no materia tuir konhesimentu akademiku ne’ebe planeia ona iha edukasaun nia laran.
- Edukador ne’e nia papel luan kompara ho mestre. Edukador la’os deit atu hanorin maibe sira mos bele forma ema nia karakter liu husi etika no moral ne’ebe ema iha.
Artigu nee hau hakerek bazeia ba saida mak hau hatene no haree.
Husi: Akademista Aris Soares.
