DILI, STLTIMORLESTE.com – Oras nee daudaun Eskola Sekundáriu Jeral nu. 4 Setembru Balide sei falta livru manual ba materia balun, maibe husi eskola halo ona pedidu ba Ministeriu Edukasaun.
Sergio A. da Cruz hanesan Diretor Eskola Sekundáriu Jeral n. 4 Setembru Balide hatoo kestaun nee ba jornalista STL iha nia knaar fatin Balide, Sabadu nee (28/06/2025).
“Livru manual mak balun falta hela, maibe hatoo ona ba iha Ministeriu Edukasaun, tanba livru hirak nee presiza iha, hodi nunee bele fasilita estudantes no profesores sira, nee duni livru manual ba materia balun too agora sei falta hela,” nia komenta.
Sergio dehan, livru balun neebe mak iha tau iha biblioteka para estudantes sira kada loron bele asesu ba livru sira nee, maibe too agora sira nian livru manual ba materia balun seidauk kompletu, sei menus.
“Ba oin ami husu Ministeriu Edukasaun atu bele fo apoiu livru manual ba ami nian eskola, ho nunee ami nian estudantes sira bele asesu ba iha livru sira nee, ami rai didiak iha biblioteka eskolar para ami nian estudantes sira bele asesu,” nia haktuir.
(jac)
