DILI, STLTIMORLESTE.com – Eskola Sekundariu Jeral (ESJ) nu 4 Setembru Balide husu ba Ministeriu Edukasaun (ME) atu halo moru eskola.
Haktuir Diretor Eskola Sekundáriu Jeral nu 4 Setembru Balide, Sergio A. Guterres ba jornalista STL, Kinta nee (19/06/2025).
“Ami nian difikuldade mak ami husu ba ita nia Ministeriu atu bele halo moru husi parte kotuk nee ba, atu nunee ami bele asegura diak liu tan ami nian eskola, tanba dala ruma ho moru eskola neebe ladun diak halo komunidade sira tama sai iha areador eskola nian, tanba nee ami husu atu halo ami nian moru eskola,” nia deklara.
Iha fatin seluk, Kordenador Pre Eskolar Sagrada Familia Vila Verde, Cornelio Antonio Soares hatete, presiza iha moru neebe mak diak atu nunee bele asegura estudante sira, tanba eskola ida nee besik hela estrada ibun, maibe daudaun nee sira iha portaun para dader estudante sira tama eskola, nee bele taka ona portaun nee.
“Hau hanoin ita presiza iha moru neebe mak diak, atu nunee bele asegura estudante sira, tanba eskola ida nee besik hela estrada ibun, maibe daudaun nee sira iha portaun para dader estudante sira tama eskola, nee bele taka ona portaun nee,” nia informa.
Entretantu Direitor Servisu Edukasaun Munisipiu Manatuto, Patricio da Cruz Quintao hatete, eskola balun iha moru eskola, maibe balun mak seidauk iha moru, lo-loos eskola nee iha moru para bele asegura estudante sira.
“Ita nian eskola balun iha moru eskola, maibe balun mak seidauk iha moru, lo-loos eskola nee iha moru para bele asegura estudante sira,” tenik nia.
(jac)
