DILI, STLTIMORLESTE.com – Eskola Sekundáriu Jeral FINANTIL tenke halo konstrusaun foun sala aprendizajen ba estudantes sira.
“Liu-liu eskola FINANTIL nee urjentimente, la hatene eskola ida nee atu halo konstrusaun foun nee laos atu reabilta, maibe tenke halo konstrusaun foun, ami ho profesores sira hein urjenti atu mai haree eskola ida nee, tuir informasaun katak eskola nee halo baibain deit labele, maibe tenke halo andar, nee mak sala iha kraik 22 no iha leten 22, nee hanesan planu neebe mak hau rona nunee,” dehan Diretor Eskola Sekundáriu Jeral FINANTIL, Aniceto Berlelo ba STL, Tersa nee (24/02/2026).
Nunee mos Diretor EBC Manleuana, Carlos Correia dehan, sira nian eskola mos atu halo konstrusaun foun ho andar, maibe iha tinan kotuk dehan sei halo konstrusaun nee iha tinan oin 2026, nee duni tekniku husi Ministeriu mai sukat tiha ona.
“Ita nian eskola mos atu halo konstrusaun foun ho andar, maibe iha tinan kotuk dehan sei halo konstrusaun nee iha tinan ida nee, nee duni tekniku husi Ministeriu mai sukat tiha ona, agora ninia konstrusaun mak seidauk,” nia komenta.
Carlos dehan, konstrusaun nee para bele aumenta sala foun ba estudantes sira, maibe ida nee kompetensia husi Ministériu, espera konstrusaun foun ho andar nee too tempu ida parte relevante bele haree asuntu ida nee,” tenik nia.
(jac)
