DILI, STLTIMORLESTE.com – Eskola Sekundáriu Jeral (ESJ) Públiku iha Munisipiu Manatuto sei menus profesores.
Tuir Diretor Servisu Edukasaun Munisipiu Manatuto, Patricio da Cruz Quintao katak, atu dehan deit kuaze pre eskolar no Ensinu Baziku ninia laiha problema, maibe agora ensinu sekundariu jeral nee mak kuaze falta profesores. Nee Eskola Sekundariu Jeral Públiku deit mak sei menus profesores.
“Eskola Tekniku Vokasional ida iha Natarbora nee uluk ita iha Ministériu Agrikultura, depois sira muda mai fali edukasaun no sira nian profesores nee sufisiente hela. Ita nian ESJ lima iha nee mak sei menus,” dehan nia ba jornalista STL liu husi telefone, Kinta (11/09/2025).
Nia katak, espera ho rekrutamentu husi ME ba tinan ida nee, liu-liu ba ESJ no tekvo ninia, tanba ho rekrutamentu ida nee bele responde ona ba eskola sekundariu neebe menus profesores.
Jornalista: Jacinta Sequeira
Editora: Domingas Gomes
