DILI, STLTIMORLESTE.com – Eskola 10 iha Munisipiu Ainaro sei menus kaderneta eskolar, tanba nee Servisu Edukasaun Munisipiu Ainaro sei halo pedidu ba Ministeriu Edukasaun.
Lia hirak nee hatoo husi Diretor Servisu Edukasaun Munisipiu Ainaro, Patricio da Costa Magno ba jornalista STL via telefone, Tersa (09/09/2025).
Nia katak, kona-ba kaderneta eskolar nee, eskola barak mak hetan ona kaderneta. Agora eskola neebe seidauk hetan kaderneta nee, sira presiza halo pedidu mai.
“Halo pedidu mai para ita bele hatene katak, hira maka seidauk hetan. Iha nee 74 eskola maka simu tiha kaderneta eskolar,”nia esplika.
Patricio dehan, eskola 10 nunee maka sei menus kaderneta, tanba bainhira eskola sira nee hatoo mai, SEM bele halo pedidu ba iha diresaun kurrikulu nasional, hodi bele fo resposta konaba asuntu menus kaderneta nee, hodi nunee ema bele fo tan kaderneta,no sertifikadu pre eskolar ninia.
Iha parte seluk Diretor SEM Likisa, Julio da Silva hatete, eskola sira iha Munisipiu Liquica simu ona kaderneta eskolar, maibe balun maka sei menus kaderneta no presiza atu aumenta. Nee eskola ida-idak mak tenke hatoo informasaun mai SEM.
Jornalista: Jacinta Sequeira
Editora: Domingas Gomes
