DILI, STLTIMORLESTE.com – Eskola Sekundariu Jeral nu. 4 Setembru Balide husu livru manual ba Ministeriu Edukasaun (ME), hodi bele fasilita profesores sira.
Asuntu nee hatoo husi Diretor ESJ nu. 4 Setembru Balide, Sergio A. da Cruz ba STL iha nia knaar fatin Balide, Kinta (13/02/2025).
Nia katak, relasaun ho livru manual neebe sei menus, parte eskola nafatin husu tulun ba iha ME, atu nunee bele haruka livru mai iha eskola nee.
“Ami nian livru manual balu laiha, liu-liu bá materia biolojia klase 3, fisika klase 3, ekonomia klase 2 no 3, no livru manual ba materia sira seluk mos sei menus,” dehan nia.
Sergio akresenta, husu ba ME atu fo apoiu livru manual mai eskola bele tau iha biblioteka neebe mak prepara ona, tanba ho livru sira nee bele fasilita profesor sira iha ensinu aprendizajen ba estudantes sira. Total estudantes daudaun nee hamutuk 2.333, profesores 75 no sala 24.
(jac)
