DILI, STLTIMORLESTE.com – Eskola 42 neebe lokaliza iha Munisipiu Ainaro too agora seidauk iha guarda eskola, tanba eskola baziku 8 deit mak iha guarda eskola.
“Hau hanoin kona-ba guarda eskola iha Munisipiu Ainaro nee ita iha ensinu baziku 8 mak iha guarda eskola, iha ensinu sekundariu no tekvo ita kontratu ona, maibe seluk too agora ita seidauk iha guarda eskola. Eskola ensinu baziku 8 iha Munisipiu Ainaro mak iha guarda eskola no eskola seluk nee too agora seidauk iha guarda eskola, nee duni eskola 42 seidauk iha guarda eskola,” dehan Direitor Servisu Edukasaun Munisipiu Ainaro, Patricio da Costa Magno ba STL iha City 8, Manleuana, Sesta nee (25/04/2025).
Nia dehan, eskola 42 neebe hahu kedas husi inisiu too agora seidauk iha guarda eskola, maibe oinsa mak atu rezolve situasaun ida nee, nunee tinan nee bele rezolve ida rua, maibe haree liu ba iha eskola ida neebe mak importante liu ou sai risku liu.
“Ezemplu eskola balun ema naok tiha sira nian komputador, nee hanesan hau fo ezemplu deit, entaun atu asegura eskola nee tenke iha guarda eskola, ida nee mak sai risku ba ita, nee duni ita haree eskola neebe importante para bele tau guarda eskola iha neeba, liu-liu ita nian eskola iha area urbanu sira,” nia afirma.
(jac)
