DILI, STLTIMORLESTE.com – Eskola iha Munisipiu Dili hamutuk 49 seidauk iha guarda eskola, nee hahu husi pre eskolar, ensinu baziku, tekvo no Eskola Sekundariu Jeral.
Liafuan nee hatoo husi Cesarina Correia Guterres nuudar Superintendente Edukasaun Munisipiu Dili ba jornalista STL iha nia knaar fatin Vila Verde, Tersa nee (29/07/2025).
“Ita nian total eskola neebe mak seidauk iha guarda da eskola hamutuk 49. Kona-ba guarda eskola iha eskola sira hanesan iha Nivel eskolaridade ESTV total hamutuk nain 10 sufisiente ona ba eskola ESTV. Guarda eskola neebe eskola seidauk hetan mak ESJ 20 Setembru Metinaro, Eskola Sekundariu Jeral 10 Dezembru no Eskola Sekundariu Jeral Hera. Nee nivel Eskola Sekundariu Jeral maibe iha EBC total guarda hamutuk 12 pesoas, maibe iha eskola EBC Manleuana seidauk iha guarda,” dehan nia.
Nia afirma, EBF total guarda neebe iha hamutuk 16 deit, neebe eskola sei presiza tan guarda eskola, atu nunee bele asegura eskola idak-idak, nee duni hanesan ohin numeru eskola neebe mak seidauk iha nee ohin mensiona.
(jac)
