DILI, STLTIMORLESTE.com – Tuir dadus neebe mak Gabineti Avaliasaun Lisensiamentu no Akreditasaun (GALA) identifika bazeia ba aplikasaun eskola 88 iha prosesu preparasaun ba lisensiamentu.
Kestaun nee hatoo husi Koordenador Gabineti Avaliasaun Lisensiamentu no Akreditasaun (GALA), Antonio Tomas Maia ba STL, Kinta nee (14/11/2024).
“Iha eskola ezistensia balun neebe lao kleur ona, maibe seidauk iha lisensia. Ita nia atuasaun mak hanesan halo identifika eskola sira nee. Husu hodi halo preparasaun tuir padraun no halo aplikasaun. Tuir dadus neebe ita identifika bazeia ba aplikasaun iha 88 eskola (total nivel Hotu). No agora iha hotu prosesu preparasaun ba aplikasaun lisensiamentu,” dehan nia.
Iha fatin seluk, Diretor Edukasaun Munisipiu Manatuto, Patricio da Cruz Quintao hatete, eskola sira iha Munisipiu Manatuto maioria hetan hotu ona lisensiamentu, maibe seidauk hetan akreditasaun, tanba lisensiamentu nee atu funsiona sira nian atividades. Nee duni eskola katolika, privadu no eskola internasional sira nee hetan hotu ona lisensa, maibe akreditasaun mak seidauk.
Nunee mos Diretor Edukasaun Munisipiu Liquica, Julio da Silva dehan, eskola balun hetan ona lisensa husi ME liu husi GALA, bainhira hetan ona lisensa sira bele halao atividades prosesu aprendizajen.
(jac)
