DILI, STLTIMORLESTE.com – Eskola balun iha Munisipiu Ainaro menus sala aprendizajen, ba oin presiza aumenta tan sala ba estudantes sira.
Lia hirak nee hatoo husi Diretor Edukasaun Munisipiu Ainaro, Patricio da Costa Magno ba STL liu husi telefone, Domingu nee (08/12/2024).
“Kona-ba infraestrutura eskola, too agora eskola balun lao seidauk diak, tanba balun dezde iha tempu Indonezia ninia. Iha ukun aan nee estadu rezolve balun ona, no agora mos koko eskola neebe sala menus atu aumenta tan sala. Nee ba primeiru no segundu siklu, ba eskola maioria nee iha tempu Indonezia ninia balun estadu rezolve ona, balun seidauk rezolve. Nee koko atu tau iha planu para tinan ida bele rezolve oituan-oituan, nunee iha governu nee bele haree asuntu ida nee,” nia esplika.
Nia hatutan, kona-ba kadeira no meza, koko hela, eskola neebe mak liu bele foti taka ba iha eskola balun neebe sei menus, ida nee sira halo nafatin pedidu mai iha ME hodi koko atu rezolve.
(jac)
