DILI, STLTIMORLESTE.com – Eskola lubuk ida iha Munisipiu Likisa seidauk hetan kolokasaun profesores, tanba nee ba oin presiza aumenta profesores.
Haktuir Diretor Edukasaun Munisipiu Likisa, Julio da Silva ba STL liu husi telefone, Sabadu (30/11/2024).
“Ita iha difikuldade mak ita nian eskola lubuk ida iha Munisipiu Likisa nia laran seidauk hetan kolokasaun profesores, tanba kolokasaun foin daudaun nee husi ME mak halo tuir quadro pesoal neebe mak iha, maibe ida nee kompetensia ME nasional nian, oinsa ba futuru bele apoiu profesores ba ita nian eskola neebe sei menus profesores,” nia dehan.
Julio akresenta, kolokasaun neebe mak halao husi ME nee bazeia ba quadro pesoal neebe mak iha, maibe realidade neebe daudaun nee iha, eskola balun seidauk koloka profesores, nee duni sei menus profesores.
“Foin daudaun kolokasaun nee direita husi ME, nee duni ita nafatin hasoru difikuldade menus profesores iha ita nian eskola,” katak nia.
(jac)
