BAUKAU, STLTIMORLESTE.com – Eskola barak iha Munisipiu Baukau prosesa ona uniforme ba estudante sira liu husi Asosiasaun Alfaeti Baukau.
Informasaun nee hatoo husi Diretor Servisu Munisipal Edukasaun Baukau, Afonso dos Santos da Costa ba jornalista sira iha Vila Antiga, Segunda (04/08/2025).
“Kona-ba uniforme hau rona informasaun husi Asosiasaun metru ona alunu sira hein atu simu deit. Prosesu suku nee iha Alfaeti sira iha Baukau nee,” nia dehan.
Nia esplika, prosesu uniforma ba estudante sira iha Munisipiu Baukau programa husi Ministeriu Edukasaun no prosesa husi Asosiasaun Alfaiate Baukau kobre ona eskola balun sukat ona estudante sira no tempu besik sei distribuisaun uniforme ba estudante sira iha nivel eskola neebe sukat ona, tanba uniforme suku deit iha Alfaeti sira eziste iha Munisipiu Baukau.
“Sira suku iha fatin seluk ita la fo lisensa, tanba akompanha farda nee too labarik sira hatais diak keta farda balun kloot no balun luan liu nee tenke responsabiliza husi Asosiasaun nian. Asosiasaun koordena ba ami nee suku iha Baukau,” karak Afonso.
Kona-ba Asosiasaun Alfaiate Baukau nian servisu Suku uniforme ba estudante sira, Servisu Munisipal Edukasaun Baukau hakarak suku iha Baukau, tanba Asosiasaun Alfaiate Baukau rasik deklara uniforme sira suku deit iha Baukau, nunee bainhira uniforme la too estudante sira karik bele troka lalais.
Maibe Edukasaun laiha regras atu Suku uniforme iha neebe, maibe kompanhia fornesedor sira tenke responsabiliza no implementa uniforme ba estudante sira ho tipu hena Amerika Drill.
Entertantu Asosiasaun Alfaiate Baukau neebe dadaun responsabiliza ba uniforme estudante sira nian kompanhia hamutuk 30 resin.
(tom)
