DILI, STLTIMORLESTE.com – Eskola barak iha area remotas neebe mak lokaliza iha Munisipiu Bobonaro, laiha moru protesaun.
Diretor Servisu Edukasaun Munisípiu Bobonaro, Miguel Freitas dehan, kona-ba moru protesaun kuaze eskola maioria laiha moru.
“Hau hanoin ita nian kuaze eskola maioria laiha moru protesaun, iha dalan protokolu ninia mos laiha moru, satan ita nian eskola sira iha area remotas. Nee hau hanoin laiha liu moru, ita nian eskola hotu laiha moru no iha moru nee iha rua nunee,” dehan Diretor nee ba STL, Kuarta (05/11/2025).
Nia dehan, total eskola husi nivel pre eskolar, ensinu baziku, sekundariu jeral no tekniku vokasional iha Munisipiu Bobonaro hamutuk 273, total estudantes hamutuk 36.046. Total profesores 1.600, nee nivel eskolaridade hotu, nee duni kuaze eskola barak laiha moru protesaun.
Entretantu Direitor Servisu Edukasaun Munisípiu Likisa, Julio da Silva dehan, eskola barak mak too agora laiha moru protesaun, maioria eskola iha Likisa laiha moru, maibe eskola idak-idak iha inisiativa lori redi halo lutu, maibe lori batako halo moru nee laiha.
Jornalista: Jacinta Sequeira
Editora: Domingas Gomes
