DILI, STLTIMORLESTE.com – Hahu husi 2023 too mai 2025, Eskola Sekundariu Nobel da Paz la hetan konsesaun eskolar husi Ministeriu Edukasaun (ME).
Tuir Diretor Eskola Sekundariu Nobel da Paz, Jeremias P. de Jesus hatete, eskola katolika no privadu ninia finanseiru nee hamrik mesak. Hanesan ohin loron sira nian problema ou preokupasaun mak desde Eis Diretor matebian nee sei moris iha implementasaun merenda nee lao, agora falta deit mak konsesaun eskolar nee mak ME seidauk fo ba sira. Nee duni eskola Nobel durante tinan tolu nian laran la hetan konsesaun eskolar, hahu husi tinan 2023 agora 2025 la hetan konsesaun.
“Ami nian eskola hanesan eskola privadu, nee duni depende ba ita nian governu liu husi ME fo apoiu saida deit, tantu ekipamentus ou livru ruma mai ami simu deit. Maibe konaba formasaun ba Professor sira nee ita hatoo ba iha Diretor Edukasaun Munisipiu ba too iha nasional,” dehan Jeremias ba STL, Segunda (06/10/2025).
Nia hatete, momentu Direitor mai direita iha sira nian eskola, no hasoru direita Diritor katak, bainhira tinan foun 2026, nia rasik sei halo deklarasaun ida ba ho estrutura, maibe ninia deklarasaun antes nee iha neeba ona.
Iha fatin seluk Diretor Nasional Ensinu Sekundariu iha ME, Benjamin Gomes da Cruz Fernandes dehan, karik Eskola Nobel da Paz tinan oin mos la rezolve sira nian problema interna, ME labele atribui konsesaun ba sira.
Jornalista: Jacinta Sequeira
Editora: Domingas Gomes
