DILI, STLTIMORLESTE.com – Relasiona ho konsesoins eskolar neebe tarde, Eskola Ensinu Baziku Sentral (EBC – sigla português) Manleuana tenke deve rental, hodi halao ezame primeiru periodu iha loron 07 fulan Abril nee.
Diretor EBC Manleuana, Carlos Correia hatoo kestaun nee ba jornalista STL iha Manleuna, Sabadu nee (05/04/2025).
“Ami nian preparasaun ba ezame primeiru periodu ninia nee ami prepara hotu ona, hein bainrua ita halao ezame ba estudante sira, pontus ezame ami prepara ona, kona-ba konsesoins tarde nee hanesan ho tinan hirak liu ba, ita atu foto kopia nee deve rental, depois osan nee sai mak ita selu fali rental neebe deve hodi halo foto kopia, para ita nian ezame halao ho diak liu tan,” nia dehan.
Carlos dehan, tanba osan nee atraza, hakarak ka lakohi nee eskola tenke deve rental, nunee bele halo kopia ba pontus ezame ba estudante sira, nee tinan kotuk liu ba mos nunee, bainhira osan nee sai mak bele selu fali rental, estudantes hamutuk 700 resin mak sei partisipa iha ezame.
(jac)
