DILI, STLTIMORLESTE.com – Diresaun Edukasaun Munisipiu Dili kestiona eskola iha Dili labele akomula estudantes barak, tanba nee orienta ona Diretor Eskola sira labele simu estudante mai husi munisipiu.
“Iha ita nian matrikulasaun halo enkontru ho Direjente tomak, hahu husi nivel pre-eskolar, ensinu baziku, tekvo no sekundariu jeral, ita orienta ona ba eskola sira, ita redus estudante neebe mak mai husi munisipiu, tanba agora daudaun iha Munisipiu Dili nee espasu hanesan sala de aula limitadu, entaun labele simu estudantes neebe mai husi munisipiu,” haktuir Diretor Edukasaun Musipiu Dili, Sabino Perreira ba STL iha nia knaar fatin Vila Verde, Dili, Tersa nee (07/01/2025).
Sabino dehan, eskola sira iha Munisipiu Dili nee ninia espasu kiik, no sala de aula menus labele akomula estudante barak, ita orienta ona ba Diretor Eskola sira katak, sira neebe mai husi munisipiu labele simu.
“Ida neebe mak mai ho deklarasaun ruma neebe mak tuir inan aman muda fatin, maibe ida neebe mak inan aman iha foho, ita nian eskola iha munisipiu mos iha, tantu ensinu baziku, sekundariu no tekvo mos iha, la presiza ita mai too Dili. Ita tau konsiderasaun ba ida nee, maibe ita mak garantia katak, mai hela ho familia nee permanenti, dala ruma fou-foun sira dehan ami hela ho familia, liu tiha fulan ida rua hela fali iha kost,” nia afirma.
(jac)
