DILI, STLTIMORLESTE.com – Eskola Hotelaria no Turizmu Bekora entrega ona valor estajiu Prova Aptidão Professional (PAP) ba Ministeriu Edukasaun (ME) liu husi Edukasaun Munisípiu Dili.
Liafuan nee haktuir husi Diretur Eskola Hotelaria e Turizmu Becora, Charles F. Guterres ba STL, Kuarta (29/10/2025).
Nia dehan, eskola entrega tiha ona valor estagio PAP no valor modular kompletu ba iha Edukasaun Municipiu Dili.
“Ami nian eskola entrega tiha ona valor estagio PAP no valor modular kompletu ba iha Edukasaun Munisipiu Dili. Ministeriu Edukasaun sei la haruka fali valor ezame nacional ba eskola. Bainhira halo hotu ona koresaun ba pontus ezame nasional nian atraves mak sira sei haruka fali ba eskola loron ida antes de anunciu resultadu ezame nasional ba publiku,” nia dehan.
Nia hatutan, total sira nian estudantes neebe partisipa ona iha ezame nasional hamutuk 64, kompostu husi departamentu hotelaria 26, departamentu kulinaria 18, departamentu kostura 15 no departamentu beleza 5.
Nunee mos Diretor Eskola Sekundáriu Téknika Vokasional ba Indústria no Teknólojia (ESTV-IT) 28 de Novembro Becora, Dili, Tomas Pinto dehan, pontus de ezame nasional nee, ezame hotu dader, meio-dia ba entreque kedas no la rai iha eskola.
Jornalista: Jacinta Sequeira
Editora: Domingas Gomes
