DILI, STLTIMORLESTE.com – Eskola Sekundáriu Jeral 10 Dezembru Komoro sei halao enkontru ho inan aman estudantes foun, hodi bele esplika regras eskola nian ba sira.
“Ami agora nee halo hela preparasaun atu enkontru ho inan aman estudantes, professores no professores da turma, iha formasaun ba professores kona-ba regras, oinsa mak fila fali ba enkontru ho inan aman estudantes foun sira hodi esplika regras eskola nian ba sira, nunee inan aman presiza fo hatene hela fatin, tenke fo justifika lo-loos ba parte eskola nian atu nunee ita nian komunikasan bele asegura labarik sira nian disiplina,” dehan Diretor Eskola Sekundariu Jeral 10 Dezembru Komoro, Manuel Verdial ba jornalista STL iha nia knaar fatin Komoro, Segunda nee (12/01/2026).
Nia dehan, oinsa estudantes sira nian prezensa durante iha prosesu aprendizajen, maske enkontru nee seidauk halao, maibe sira nian planu tama ona, sei haree orientasaun, tanba nee oinsa mak profesores idak-idak halao prosesu aprendizajen ho diak ba estudantes sira.
(jac)
