DILI, STLTIMORLESTE.com – Bainhira konsesaun eskolar tama ona, eskola implementa subsidiu nee tuir manual edukasaun neebe fo bá eskola sira.
Tuir Diretor Jeral Eskola Nicolao Lobato, Rui Lopes katak, baibain kuandu konsesaun eskolar nee toma ona, eskola sei ezekuta tuir matadalan ka manual edukasaun nian neebe fo bá eskola sira no labele ses husi livru matadalan neebe edukasaun fo mai.
Nia dehan, konsesaun eskolar ba eskola ida nee, tinan ida nee seidauk prosesu, tanba nee eskola hein deit. Depende bainhira mak prosesu mai, eskola hein deit. Bainhira tama ona, eskola sei ezekuta tuir matadalan hodi uza bá nesesidade eskola nian. Baibain iha konsesaun eskolar nian nee haree liu bá izame nian, no importante mak iha gastu nee labele liu rihun bá leten no tuir matadalan edukasaun nian.
“Konsesaun nee haree liu bá izame nian, desportiva nomos nesesidade eskola nian maibe lao tuir matadalan neebe edukasaun fo mai. Iha ami nia ezekusaun sempre halo hotu, nunka fo fila bá governu,” dehan nia bá STL iha nia knar fatin Eskola Nicolao Lobato, Tersa (31/03/2026).
Nia hatutan, osan nee kuandu la uza hotu ka fo fila fali, nee bainhira eskola laiha programa no planu, entaun Osan tenke fo fila fali ba governu.
(dom)
