DILI, STLTIMORLESTE.com – Diretor Eskola Sekundariu Jeral FINANTIL, Aniceto Berlelo rejeita informasaun neebe fo sai husi membru Komisaun G Parlamentu Nasionál (PN) katak, kada sala estudantes 80 too 100 tuir ezame nasional iha eskola refere.
“Primeiru rejeita total informasaun neebe mak media STL ba intervista Komisaun G iha PN, neebé trata asuntu edukasaun, tanba saida mak hau rezeita, tanba primeiru estudantes tur iha kada sala 100, nee la los. Ami nian estudantes neebe partisipa iha Ezame Nasional ano letivu 2024 ninia hamutuk 786,” afirma Aniceto ba STL iha nia knaar fatin, Kuarta nee (16/10/2024).
Nia dehan, segundu atu hatete ba nai deputada neebe trata asuntu edukasaun, agradese tanba parlamentu bele foti ona sira nian eskola sai hanesan problema ida neebe deputadu sira hodi mai haree lalais sira nian eskola. Profesores neebe halo vizilansia mai husi eskola seluk nee hamutuk 78,s ala neebe estudantes sira uza ba Ezame Nasional nee 28.
Nunee mos Leonita Nunes da Costa hanesan estudante hatete, dader mai sedu eskola, tanba nee laos aula baibain, maibe nee tama iha ezame nasional, dader mai sedu no labele tarde, iha sala sira idak-idak tur iha kadeira, depois profesores vizilante sira fo pontus ezame ba sira hodi prienxe.
Iha fatin seluk, Diretor Eskola Sekundariu Nobel da Paz, Jeremias P. de Jesus hatete, kada sala estudantes 20, tanba nee laos aprendizajen baibain, sala ida estudantes nakonu, nee duni eskola sempre kumpri ida nee, depois profesores vizilansia sira sei kontrola estudante sira durante atividades ezame lao.
(jac)
