DILI, STLTIMORLESTE.com – Eskola Ensinu Baziku Hans Klemm Bairo Pite husu Ministeriu Edukasaun (ME) atu substitui profesores nain 3 neebe tama ba idade reforma.
Asuntu nee hatoo husi Koordenador Ensinu Baziku Filial (EBF), Hans Klemm Bairo Pite, Lucas Brandao da Silva ba STL iha nia knaar fatin Bairo Pite, Tersa (14/01/2025).
“Ami profesores hamutuk 17 deit, nain 5 mak mate ona, too agora substitui mai fali tiha ona. Husi ME mak haruka mai, tanba ami menus profesores. Agora daudaun ami iha nee nain 3 mak atu tama ba reforma, feto 1 mane nain 2,” nia afirma.
Lucas akresenta, nain 5 neebe mak mai nee seidauk sufisiente, se karik nain 3 mak tama reforma, nain 3 tenke substitui iha sira nia fatin, se lae sala tolu mak mamuk. Nee duni husu ba ME presiza koloka tan profesores hodi substitui profesores reforma sira.
(jac)
