DILI, STLTIMORLESTE.com – Eskola Hotelaria no Turizmu Bekora elobra hela relatoriu konsesaun eskolar, hodi bele submete ba edukasaun Munisipiu Dili.
Lia hirak nee hatoo husi Diretor Eskola Hotelaria no Turizmu Bekora, Charles F. Guterres ba jornalista STL iha nia knaar fatin Bekora, Segunda nee (21/07/2025).
“Ami nian ezekusaun ba konsesaun eskolar ezekuta ona 100% no agora daudaun ami nian relatoriu iha prosesu elaborasaun atu remata ona, bainhira remata ona mak ami bele submete ona ami nian relatoriu ida nee ba Edukasaun Munisipiu Dili nian, no ami uza osan ida nee tuir nesesidade eskola nian presiza,” nia dehan.
Nia dehan, montante konsesaun eskolar neebe mak eskola hetan hamutuk US$ 2.442, kada estudantes US$ 2, total estudantes iha eskola hotelaria hamutuk 315, nee kompostu husi departamentu haat.
“Osan ho montante neebe ami hetan US$ 2,442, primeiru gastu administrasaun eskola ka ATK hamutuk US$800, segundu gasta atividade osis US$ 500, terseiru gasta ba sosa ekipamentus pratika US$ 900, dahaat mak hadia biblioteka no jardin eskola US$ 242, nia afirma.
(jac)
