DIL, STLTIMORLESTE.com – Eskola Hotelaria no Turizmu Bekora hasoru difikuldade hanesan menus livru ba estudante sira no menus rekursu aprendizajen hanesan projetor.
Liafuan nee hatoo husi Adjuntu Diretor Eskola Hotelaria no Turizmu Bekora, Charles F. Guterresba STL iha nia knaar fatin Bekora, Kinta nee (23/01/2025).
“Difikuldade neebe hau ata hasoru nuudar manorin mak hanesan, menus rekursu aprendizajen hanesan projetor, livru ba estudante sira sei menus no language laboratory. Hau nia avaliasaun dezempenhu husi inisiu too agora sempre hetan muito bom, intermus de linha koordenasaun ho hau nia profesores sira lao ho diak,” nia esplika.
Nia hatutan, livru ba estudante sira nee importante tebes, atu nunee bele fasilita diak liu tan estudante sira, tanba nee ba futuru ministeriu rasik sei haree ba asuntu ida nee, fasilidade no ekipamentu sira nee importante tebes, tantu ba estudante no profesores.
(jac)
